ئەگەر سەلەفی ساڵح کردبێتیان بۆ ئێمە نەیکەین؟

ئەگەر سەلەفی ساڵح کردبێتیان بۆ ئێمە نەیکەین؟
محەمەد هەریری
داعش و داعشیەت ئیلهام وەردەگرێت، لەو میراتە کلتوریە زۆر و زەبەند و گەورەیەی لە ئیسلامدا بۆیان ماوەتەوە، بە کۆی تێگەیشتنی تایبەتیان لە ئایەتەکان وحەدیسەکان و تەفسیر وفەتواکان و بیروڕاکان بە گشتی، و ئەو مەنهەجە نصوصیە توندوتیژەی کە عەقڵ کۆت وبەند دەکات و ڕۆژانە ڕیسوای دەکات، و دەیکاتە پاشکۆیەکی زەلیلی نەقل. سەلەفیەت عەقڵی وەك موسی یەك بار مەسرەفی، جارێك بەکاری هێناوە تا مەنهەجی لە کارخستنی عەقڵی پێ داناوە، ئەوانیتر لەو ڕۆژەوە وەك جورمێکی بێ گیان وعەقڵ لە دەورەی ئەو ناوەندە و مەنهەجە ناعەقڵانیەتە دەسوڕێنەوە، بۆیە لە کردەوە تیرۆریست و توندوتیژەکانین لە مرڤی ئاسایی ناچن. سەیر لەوەدایە ئەو سەلەفیە داعشیانە، هەر کارێکی قیزەون بکەن، چەندە نامرۆیی و ترسناك و بێزراو و تاوان بیت، زۆر بە کەمالی ڕاحەت و ئاسوودەیی یەوە ئەنجامی دەدەن، چونکە بەرلە ئەنجامدانی تاوانەکە دەیان دەق و بەڵگەی قورئانی وحەدیسی و قسەی سەلەف و دەرەنجامی فیقهی و فەتوای پێیە. کە دەچیتە سەر نووسینەکانیان تووشی شۆك دێیت، کە چۆن وا بە ئاسانی بەڵگە دەدۆزنەوە لەسەر سەربڕینی مرۆڤ و کوشتنی ژن و منداڵ و سوتاندنی مرۆڤ بە زیندوویی و هەموو پۆخڵەواتەکانی تر! کەوابوو داعش و داعشیەت وەك چەمك، نەك وەك جەماعەتێکی دیاریکراو، لە دەرەنجامی ئەو دەقانە و تێگەیشتنیان بۆ ئەو دەقانە ئەو مەخلوقاتە دزێو و شێوێنراوانەی لێ دروست بووە، با چاوێك بخشێنین بە ئەدەبیاتی داعشی هاوچەرخ تا بزانی مەشروعیەتی خۆیان لەکێوە وەردەگرن. - بۆ کوشتنی ژن ومنداڵ لە فەتوایەکدا، بە ناونیشانی: في جواز قتل الذرية والنساء [جائیزی کوشتنی منداڵ و ژن] ابو قتادة ی فەلەستینی کە بەرای هەموو چاودێرێك بەرپرسە لەو هەموو سەربڕین و کوشتن وخوێن ڕێژیەی کە سەلەفیەکانی [الجماعة الاسلامیة المسلحة] ئەنجامیان دا زۆر بە ئاشکرا دەڵێت بەپێی حەدیس جائیزە هیرش بکەینە سەر کافر و مورتەد و موشریکەکان - بێگومان یانی خۆیانی لێدەرچێت هەموو خەڵکیتر دەگرێتەوە- هەتا کافرەکان ملشۆڕ دەبن، و پەرت وبڵاو دەبن، وبازنەی شەڕ فراوان دەبێت و دۆڕاندنیان ئاسانتر دەبێت، بە پەرۆشیان بۆ ماڵ ومنداڵ و ژنانیان و بە بڵاوەپێکردنیان لە پێناو پاراستنیان. ئیمامی بوخاری لە سەحیحەکەی چیرۆکی ئەو جاسوسە خوزاعیە دەگێڕیتەوە کە پێغەمبەر ناردی بۆ زانینی وەزعی قوڕەیش لە کاتی چوونی بۆ عەمرەدا، ئەوەش لە ڕوداوی حودەیبیەدا هاتووە، کە گووتی گوایە ئەحباشەکان هاوپەیمانانیان لە دەوروبەری مەککە بۆ کۆکردۆتەوە بۆ جەنگان لە دژی پێغەمبەر [د.خ] و هاوەڵانی وگووتی: پێویستم بە مە سورەت وڕاوێژتانە، چۆنی دەبین ئەگەر بدەین بەسەر ماڵ ومنداڵی ئەوانەی یارمەتیان دان، ئەگەر هاتن بە هانای ماڵ ومنداڵیان، لە یارمەتی قوڕەیش دادەبڕێن، یانیش بە نیگەرانیەوە لەوێ دەمیننەوە.... روى البخاري في صحيحه بسنده قال : " خرج النبي [ص] عام الحديبية في بضع عشرة مائة من أصحابه . فلما أتى ذا الحليفة قلد الهدي وأشعره ، وأحرم منها بعمرة ، وبعث عيناً له من خزاعة . وسار النبي(ص) حتى كان بغدير الأشطاط أتاه عينه قال : إن قريشاً جمعوا لك جموعا ، وقد جمعوا لك الأحابيش، وهم مقاتلوك وصادوك عن البيت ومانعوك . فقال : أشيروا أيها الناس علي ، أترون أن أميل إلى عيالهم وذراري هؤلاء الذين يريدون أن يصدونا عن البيت ، فإن يأتونا كان الله عز وجل قد قطع عينا من المشركين ، وإلا تركناهم محروبين . قال أبو بكر : يا رسول الله خرجت عامداً لهذا البيت لا تريد قتل أحد ولا حرب أحد ، فتوجه له ، فمن صدنا عنه قاتلناه . قال : امضوا على اسم الله " . زانای سەلەفی ابن القیم دەڵێت: لە سوودە فیققهیەکانی چیرۆکی حودەیبیە، ڕەوابوونی سەبیکردن [بە کۆیلەکردن] ماڵ ومنداڵی موشریکانە، ئەگەر بە تەنها جێیان هێشتبوون.     بۆ سوتاندنی مرۆڤ: لە وتارێکدا بە ناوی [بل لکم في الحرق سلف] لە نوسینی حسین بن محمود، هەر لە دەستپێکیدا دەڵێت: " مرۆڤ سەری سوڕدەمێنێ لە کەسانێك لەسەر تەلەفزیۆنەکان دەردەکەون و یەکێکیان دەلێت سوتاندنی خەلك نە دین و نە شەرع و نە عەقڵ دانی پێدا ناهێنێت!! وابە ئاسانی درۆ دەکەن لەسەر دینی خودا!!" يدعي أحدهم بأن حرق الناس لا يقره دين ولا شرع ولا عقل!! هكذا، وبكل بساطة يفتأتون على الدين!! یانی هێشتا ئەو سەری سوڕماوە لەو خەڵکانەی دەلێن سوتاندنی خەلك نە دین و نە شەرع و نە عەقڵ دانی پێدا ناهێنێت! ئینجا دەلیت ئیرهاب وترس خستنە دڵی دوژمنان بە شەرع و بە عەقڵ ویستراوە، وەك خوا دەفورموێت: {وَأَعِدُّوا لَهُمْ مَا اسْتَطَعْتُمْ مِنْ قُوَّةٍ وَمِنْ رِبَاطِ الْخَيْلِ تُرْهِبُونَ بِهِ عَدُوَّ اللهِ وَعَدُوَّكُمْ..} دوایی بەڵگە دەهێنێتەوە بە سوتاندنی حەزرەتی عەلی بۆ ئەوانەی پێیان گووت تۆ خودای! کە لە کتێبی [الملل والنحل للشهرستاني] گواستۆتەوە. ئینجا دەڵێت: ئەوە خەلیفەی ڕاشدینە خەڵكی بە ئاگر سوتاندوە...فهذا الخليفة الراشد رضي الله عنه أحرق أناس بالنار.. کەوابوو بەربەست چیە ئێمە بیکەین؟!     - خالید ئوستادی قوتابخانەی هونەری ئیرهابی ئیسلامیە لە دوای پێغەمبەر!! دوایی چیرۆکی خالیدی کوڕی وەلید دەگیڕێتەوە کە چۆن لە ملی مالك بن نویەرەی داوە و سەری ئەو پیاوەی لەگەڵ دوو بەردیتر کردۆتە سێکوچکەی ئاگردان و مەنجەڵێك گۆشتی لەسەر برژاندوە، و قژی مالک بن النویرة هێندە چڕ بوە تا گۆشتەکەش پیگەیشتووە هەر سوتاوە! ئەو کارە وەحشیەتە ئەگەر ڕوویدا بێت، دەکاتە بەڵگە بۆخۆی بۆ سوتاندنی خەڵك! ئینجا ستایشی خالید دەکات و دەڵێت: شمسێری خوا باوکی سلێمان [خالیدی کوڕی وەلید] ئوستادی هونەری ئیرهابی ئیسلامیە و سەرپرشتیاری قوتابخانەکەیەتی لە پاش پێغەمبەر [د.خ] ، لە ئیرهابدا دەستیکی باڵای هەیە، زۆر شارەزایی وردی بە جەنگی دەرونی دەردەخات، لە شەڕی ئەلیس لە دژی فارسەکان وەك لە [البداية والنهاية] دا هاتوە:"خودایە ئەگەر دەستی ئێمەت زاڵ کرد بەسەریان، پەیمان بێت، هیچیان نەهێڵمەوە تا رووباریان بە خوێنی خۆیان بەردەدەمەوە، پاش سەرکەوتنیان ئاڕاستی ڕوبارەکەیان گۆڕی، و دیلەکانیان کە دەڵین حەفتا هەزاربوون، دەهێنایە سەر ڕەوگەی ڕوبارەکە ولە ملیان دەدان تا ڕوبار لە خوێنیان دروست بێ ! دوایی دیتیان هەر خوێنە دەڕژێت و ڕوبار دروست نابێت، بۆیە چەند ئەمیرێکی جەنگ گوتیان یا خالید تا سوێندەکەت بێتەجی، دەبێت ئاوی روبارەکە بەردەیتەوە سەر گۆمی خوێنەکە، ئەویش فەرمانی کرد بە بەردانەوەی ئاوەکە، ڕووبارەکە یەك پارچە بووە خوێن لە ڕشتنی خوێنی حەفتا هەزار دیل!! یانی غەمی بە عەرزکەوتنی پەیمانەکە و سوێندەکەی خالیدیان بوو، نەك ڕژاندنی خوێنی حەفتا هەزارکەس لەسەر ڕوبارێك! هەر ئەو ساڵ داعش خوێنی هەزار وحەوسەد سەربازی شیعەی بە هەمان شێوە لەسەر ڕوباردا ڕشت! ئینجا چەندین بەڵگە لە قسەکانی زانایان و حەدیس دەهێنێت بۆ سەلماندنی ڕەوایەتی سوتاندنی مرۆڤ! - هەڵواسینی لاشەی کوژراوی نەیاران و دوژمنان لە قورئاندایە! ئینجا دەربارەی هەڵواسینی لاشەی کوژراوی چەند سەربازێکی ئەمریکی لەسەر پردی فەللوجە، دەڵێت: أما قضية تعليق الجثث على جسر الفلوجة الشمّاء، فقد قال تعالى في أهل الحرابة {إِنَّمَا جَزَاءُ الَّذِينَ يُحَارِبُونَ اللهَ وَرَسُولَهُ وَيَسْعَوْنَ فِي الأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلاَفٍ أَوْ يُنْفَوْا مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ} [المائدة: 33]. ( 33 ) بێگومان پاداشتی ئه‌وانه‌ی که ده‌نجێگن و دوژمنایه‌تی خواو پێغه‌مبه‌ره‌که‌ی ده‌که‌ن و به گه‌رمی هه‌وڵ ده‌ده‌ن بۆ بڵاوکردنه‌وه‌ی فه‌سادو به‌د ڕه‌وشتی له زه‌ویدا هه‌ر ئه‌وه‌یه‌: (ئه‌وانه‌یان که خه‌ڵکیان کوشتووه‌) ده‌بێت بکوژرێن، (ئه‌وانه‌ش که‌خه‌ڵکیان کوشتووه و جه‌رده‌ییشیان کردووه‌) ده‌بێت له خاچ بدرێن، (ئه‌وانه‌یان ته‌نها جه‌رده‌یی ده‌که‌ن) ده‌ست و قاچێکیان به‌پێچه‌وانه‌وه ببڕدرێت، (ئه‌وانه‌یان که مه‌ترسیان لێده‌کرێت) ئه‌وه دوور بخرێنه‌وه له وڵات، ئه‌وسزایه خه‌جاڵه‌تی و سه‌رشۆڕیه بۆیان له‌دنیادا، له‌قیامه‌تیشدا سزای سه‌خت و گه‌وره‌یان بۆهه‌یه‌. دوایی دەڵێت: ئەگەر ئەوە سزای شەڕفرۆشان بێت - هەتا موسلمان و نوێژخوێن یش بن- ئەی چی دەڵێن دەربارەی کافری شەڕفرۆش هێرشکەری دەستدرێژیکەر بۆ سەر خوێن و عەرزوناموس و ماڵی موسڵمانان؟ - سوتاندنی هاوڕەگەزبازانیش سونەتە! دوایی پەنا بۆ فقهـ دەبات و جەندین بەڵگە لە نيل الأوطاری الشوكاني کە سوتاندن بە ئاگر جێی مشتومڕە لە نێوان اهلی سەلەف: "کە دەڵێت [تەنها خوا بە ئاگر ئەشکەنجە دەدات] ئەوەش هەواڵێکە بە مانای قەدەغە کردنەوە دێت، و سەلەفیش ناکۆکن لەسەر سوتاندن، عومەر وئیبن عەباس و کەسانیتریش بە ڕەهایی ڕەتیدەکەنەوە جا لەسەر کوفر بێت یان جەنگان یان تۆڵە وسزا بێت، حەزرەتی علی و خالیدی کوری وەلید و کەسانیتر ڕێگایان پێداوە" هەر لە کتێبی [نیل الاوطار] حەدیسێك لە البیهقی دەگێڕێتەوە کەوا خەلیفە ابوبکر هاوەڵانی کۆکردۆتەوە بۆ وەرگرتنی ڕایان لەبارەی پیاوێکی هاوڕەگەزبازی نێگەتیڤ، عەلی لە هەمویان توندتر بوو داوای کرد بسوتێنرێن، هاوەڵانی پێغەمبەریش یەکدەنگ بوون لەسەر سوتاندنی بە ئاگر، بۆیە ابوبکر نامەی بۆ خالید نووسی فەرمانیان پێدەکات بە سوتاندنی.!     - پێغەمبەریش [د.خ] چاوی عەرنیەکانی بە ئاسنی سورەوەکراو هەڵکۆڵی! ئینجا دەلێت: لە فتح الباري دا هاتوە [مهەلەب گووتی: ئەو نەهی کردنە [لە سووتاندنی مرۆڤ] بەمانای تەحریم کردنی نیە، بەڵکو بۆ نواندنی تەوازوعە، کاری هاوەڵانیش ڕەوایەتی سووتاندن دەسەلمێنێت، پێغەمبەریش [د.خ] چاوی عەرنیەکانی بە ئاسنی سورەوەکراو هەڵکۆڵی، وئەبوبەکریش ستەمکارە باغیەکانی سوتاندوە بە ئاگر لە ئامادەیی هاوەڵاندا! خالیدی کوڕی وەلیدیش خەڵکێکی لە ئەهلی هەڵگەڕاوەکان سووتاند بە ئاگر، زۆربەی زانایانی مەدینە ڕێگایان داوە بە سوتاندنی شورە و گەمی وکەشتی لەگەڵ خەلکەکەی کە تیایدایە! ئەوە قەولی النووي و الاوزاعی یە!] لە کۆتاییدا دەڵێت:" بە موجاهیدانی عێڕاق دەڵێم: ئەگەر خەڵکتان سوتاند ئەوە نمونەی بەراییتان هەیە لە خەلیفەکانی ئومەت وسەحابەکان، کارێك بەو کافرانە بکەن ترس وتۆقینیان لە دڵدا بڕوێنن،....." 19/01/2015